Bengkar Wela Rana Nanang’g; Kumpulan Puisi Yonaz Don Bosco

ilustrasi
Sumber: Internet


Tombo Momang
Oleh: Yonaz Don Bosco

Enu...

majak laku elo rangam

haed bengkar wela rana

nenggitu kole nai’m

neho keta mecik de wae wani


eme jadi toko racap 

toe gori’g pande bilang pat

bengkar wela rana nanang’g

latang ite enu ca ngata


Enu…

ite keta de te patu agu ata nau’n

one nai daku

kowel keta laku ngasang’m
one ati agu rak’g


eme ruda ngoeng kudut jadi cimping mose

ba berkak koe jadi wote

hiang ende agu ema’g, lawang ase ka’e’g


||Pangkalan Bun, Oktober 2024


Eme Jadi Naca Laing

Oleh: Yonaz Don Bosco

Enu…  

eme eng lite jadi naca’g

kudut ba sumpa ga le Gereja

ae ite kali inewai ata majak’n 

woko lelo le mata’g


Enu... 

sanggen nanang ata poli mangan

one mose na’ang agu mata’g 

latang ite kanang 


||Pangkalan Bun, Oktober 2024

Momang Ite Kanang Oleh: Yonaz Don Bosco


Enu…

eme ita lite ra’upn leso lau

nenggitu keta gerakn nai daku

ba momang ata nau’n

latang ite enu ata  pande pa’u nai daku


Eme lelo’y lite ndereng’n leso le

nenggitu keta de lelek’n mata te nggerem’n

bengkes’g ite enu keta cimping racap tedenglen


Enu… 

nau keta de paes pa'un leso sale

nenggoo imus de enu pande emong mata’g te lelon 

mut keta one pucu woko ita tawa le’ok  

cama neho selendang leros

ba lerong nenteng beo


Enu…

porong ngaji keta wa mai nai’g nggere eta de Ema Dewa

kudut betua wua’n one momang'g

lawang mose agu mata one ite kanang


||Pangkalan Bun, Oktober 2024


Baca juga: Kecantikan Nona Manggarai

Tentang Penulis:
Yonaz Don Bosco kelahiran Bala-Lamba Leda Timur. Alumni Unwira-Kupang. Sekarang mengajar di SMA Abdi Pangkalan Bun.  Karena seringkali mendapat inspirasi ketika sedang berada di kamar mandi, hal yang paling ia sukai dalam hidup adalah “telanjang” dan "benar-benar bersih”. Bisa dihubungi via facebook: https://www.facebook.com/Ybosco89yahoo.

Baca juga: Cinta Sebatas Get

0 comments:

Post a Comment